Кеше Қасиетті Меккеде қатты дауыл соғып, құрылыс краны құлады. Құлаған кран Қағбаны тауап етуге келген 87 қажының өмірін қиды. 184-і де жарақаттанды. Алайда бұл соңғы мәлімет емес. Қаза тапқандар мен жарақаттанғандардың саны әлі де артуы мүмкін. Бұл жайында Сауд Арабиясының Әлеуметтік қорғау министрлігі мәлімдеді. Хабарланған мәліметтерге сүйенсек, қазіргі уақытта Меккеде шамамен 800 мың қажы қажылық рәсімін атқаруда. Оның үстіне оқиға жұма күні болғандықтан қажылардың көбі Қағбаның маңайынан табылған.

Қазіргі уақытта әр ел қажылыққа кеткен өз азаматтарын түгендеуде. Түріктер қаза тапқандардың арасынан өздерінің 2 азаматын анықтаған. Ал 19-ы жарақаттанған. «Бұл да әлі нақты сан емес. Десек те артпасын деп тілейміз», – дейді Түркияның сыртқы істер министрлігі өкілі.

Ал Дағыстаннан қажылыққа 4 мың адам кеткен екен. «Әзірше жеткен хабар бойынша, қаза тапқандардың арасында азаматтарымыз жоқ», – дейді Дағыстан қажылар орталығының жетекшісі Ахмад қажы Хабибов.

Бір қызығы, Меккедегі кранның құлауы (11.09.2015) АҚШ-тағы «егіз мұнараның» құлаған күніне (11.09.2001) дөп кеп тұр. Арада тек 14 жыл. Бұл кездейсоқ па, жоқ әлде...